السلام عليكم اليوم سوف نقدم لكم روايه من افضل الروايات والقصص العربيه روايه احببت عجزه شمس وادهم
الفصل الاول.
اعتقد دي اول مره اضحك بعد موت بابا الله يرحمه النهارده كتب كتابي علي اكتر حد حبيته ووقف جمبي بعد موت بابا
ادهم :معلش يا شيخنا استعجل شويه
شمس:ايه ما تصبر الراجل يقول ايه؟
ادهم : واحد مستعجل علي مراته ايه المشكله؟
شمس بكسوف :بس يا ادهم
ادهم :ههههههههههه
“بارك الله لكما وبارك عليكما وجمع بينكما في خير “
الناس مشت خلاص متبقاش غيري انا وادهم ادهم يبقي ابن عمي باباه مات وهو صغير بابايا اللي رباه وحبيته وحبني واهو اتجوزنا
شمس :انا مبسوطه اووووي يا ادهم
ادهم بخبث:وانا اكتر يا روحي
شمس راحت تحضن ادهم بس لقته زقها بعيد
شمس بضحك:مالك يا ادهم ؟ مش كنت مستعجل يا ادهم
فجاه لقيت امه اللي بترد عليا بسخريه :لا يا حبيبتي مش مستعجل مستعجل من ايه من جمالك مثلا
شمس بخوف :ادهم في ايه ؟
ادهم ببرود:مفيش
شمس راحت مسكت ايده وقالت :انت بتكلمني كده ليه ؟
ادهم زقها وقال :ابعدي انا بكرهك
شمس بضحك :ههه يا دومي ده مش وقت هزار
ادهم بسخريه :لا يا عسل انا مش بهزر انا فعلا بكرهك وهفضل اكرهك فوقي لنفسك بقي
شمس بصدمه :اييه؟
ادهم :ايه انطرشتي ؟
شمس:اومال ايه بحبك وبموت فيكي وعمري ما هسيبك ؟
ادهم :هقولك ..
مامت ادهم :تقول ايه هقول انا يا حبيبتي ادهم عمره ما حبك
شمس:اومال اتجوزتني ليه؟
ادهم:عشان ورث ابوكي ابوكي سايب ملايين وراه فكان لازم اخدها ودي الطريقه الوحيده
شمس:ومين قالك اني هديهالك انت اتجننت ؟
ادهم :هههههههه لا خلاص انا اخدتهم من زمان
شمس:قصدك ايه؟
ادهم :بدل ما خليتك تمضي علي ورقه الجواز خليتك تمضي علي تنازل بكل شئ ليا والماذون كان شغال معايا
شمس كانت واقفه مصدومه في حبيبها او اسفه اللي كانت فكراه حبيبها دموعها نزلت وشهقاتها بدات تعلي
شمس:ليه يا ادهم تعمل كده ليه ؟ بابا طول عمره بيحبك وبيعاملك زي ولاده وانا …وانا حبيتك وافتكرتك سندي ليه ليه؟ حراااااام عليييك ربنا ينتقم منك اهاااااااا
مامت ادهم :بس بقي بلاش تمثيل بصي بقي انتي خلاص معتش ليكي حاجه فيا تقعدي زيك زي زي الخدامها يا تاخدي بعضك وتمشي
شمس مقدرتش تستحمل وضربت مامت ادهم علي وشها
ادهم بغضب:انتي اتجننتي انت بتضربي امي ؟
وشدها من شعرها وفضل يضربها
شمس بصتله بدموع وضعف
راح ضربها علي وشها
ادهم:امي تحترميها انتي فاهمه انت هنا تخدميها مش اكتر
راحت شمس تفت في وشه
مامت ادهم بغل:اضربها يا ادهم
ادهم فقد اعصابه ونزل فوقها ضرب بالاقلام وبالرجل
شمس:ااااااه خلاص والنبي بالله عليك كفايه اهااااه
مامت ادهم كانت واقفه مبسوطه لانها طول عمرها بتكره شمس لانها احلي من بناتها
ادهم شد شمس من شعرها وجرجرها علي السلم واخدها لبره الفيلا وطردها
ادهم :مشوفش خلقتك تاني انت سامع ؟ والا والله اموتك ؟
شمس كانت بتتالم جامد وجسمها كله بقي علامات
شمس :اروح فين يا ربي اروح فين الساعه دلوقتي حوالي ١٢ بليل وفضلت تمشي في شوارع وتعيط قعدت علي رصيف وقعدت تعيط وتفتكر اللي حصل واغمي عليها
وصحت بعدها علي ايد بتحسس علي جسمها
صحت علي ايد بتحسس علي جسمها فتحت عنيها لقت شاب قاعد جمبها واتنين واقفين كانو بيبوصولها باعجاب قامت مفزوعه وقامت تمشي
واحد منهم :ايه يا عسل راحه فين ؟
شمس :ابعدو عني وزقته وقامت تجري بس رجليها كانت وارمه وراحت واقعه لقت شاب منهم بيقرب منها قامت عشان تمشي راح مسك ايديها :ما تستني معانا شويه يا قمرر
واحد تاني:هنديكي اللي انت عيزاه
شمس :انتم مش مؤدبين
شاب منهم:مؤدبين؟ههههه اومال انت ايه يا سكر ؟ مانت قاعده لوش الفجر في الشارع عايزه تفهميني انك محترمه ؟
شمس ضربت اللي كان ماسكها تحت الحزام وطلعت تجري وهما بيجرو وراها دخلت شارع جانبي ووقفت وهي بتقف داست علي ديل كلب الكلب بصلها بشراسه ..شمس بصتله بخوف هي اساسا بتترعش ومش قادره الكلب طلع يجري وراها وهي بتعيط وتصرخ فضلت تعيط لحد ما بقت حاسه انها مش قادره تتنفس
شمس:ااااه الحقوني يلهووووي اااه
وقتها الفجر كان بياذن لمحت مسجد من بعيد راحت دخلاه وكانت بتترعش جامد وبتشهق جامد وتعيط وكانت منهاره دخلت الحمام غسلت وشها واتوضت وراحت صلت وخرجت بسرعه قبل ما حد يلمحها
شمس جوه نفسها :منا اكيد مش هعيش في الشارع كده طب اعمل ايه ده حتي هدومي مش معايا اااه فينك يا بابا فينك يا ماما شوفتم اللي حصلي شوفتو ادهم اللي اعتبرتوه ابنكن شفتم واتفتحت في العياط
مسحت دموعها:خلاص انا هرجع حتي لو هشتغل خدامه احسن ما اقعد في الشارع كده واكيد ربنا هيرجعلي حقي
كانت بتمشي في الشارع بحذر خايفه لتشوف شباب تاني او كلب
وقفت قدام الفيلا بصت بكسره نفس بعد ما كان بيتها بقي بيت غريب بعد ما كان عزها هيبقي ذلها بعد ما كان امانها هيبقي خوفها
شمس بانهيار :طب انا هخش ازاي؟
فكرت انها تنط من البوابه بس تراجعت
بعدين سمعت صوت شاب جاي من بعيد فخافت راحت تلقائيا مسكت في البوابه وهي بتطلع وبتحاول تنط فقدت توازنها وحست بدوخه ووقعت جوه الفيلا دماغها اتفتحت واغمي عليها
صحت تاني يوم لقت نفسها في اوضه هي عرفاها بس مختلفه شويه
اه دي الفيلا بتاعتنا بس الاثاث متغير
شمس بحزن :لحق يغير الفيلا
فجاه الباب اتفتح ودخل راجل
شمس في نفسها :لحظه مين ده ؟ وفين ادهم ؟ ايه اللي بيحصل
الراجل :صحيتي يا خاطيه ؟
شمس باستغراب :خاطيه خاطيه ايه ؟ وانت مين ؟ وبتعمل ايه هنا؟
الراجل :المفروض انا اللي اسال ؟ مش عيب اما تدخلي تسرقي بيوت الناس وانت حرمه
شمس :اسرق ايه انت عبيط ؟ دي فيلتي
الراجل بص ليها بسخريه وازدراء فكان لبسها متقطع من الجري ومتوسخ ووشها مليان كدمات وبتترعش ووشها متوسخ وشكلها سئ
الراجل :فيلتك ؟ اه منا خدت بالي يلا عشان تقابلي الباشا
شمس بسخريه :ادهم بقي باشا الله ينور
راحت شمس معاه وهي مستعده تقابل ادهم بس كانت مستغربه ان الفيلا نظامها كله متغير الدهان بقي اسود ورصاصي والحته ضلمه وقفو قدام باب والراجل كان بيظبط نفسه
شمس بسخريه :ايه جو الافلام ده بقي وراجل اعمال وبتنجان ده ادهم اومال لو مكانش ادهم كان عمل ايه ؟
دخلو بس شمس اتصدمت لانها لقت راجل تاني غير ادهم كان قاعد علي الكرسي وبيشرب قهوه وعنيه في كتاب بيقراه
كان شاب صغير بس جميل ووسيم ووشه هادئ رفع عنيه بيبصلها عنيه لونها اسود جميله
شمس اتوترت مكانتش متوقعه كده
شمس جوه نفسها:طب انا دخلت فيلا غلط ولا الضربه اثرت علي مخي مخلياني بشوف ناس تانيه ولا ايه ؟ يلهووي انا ممكن اخش السجن ؟ الطم ؟ الطم ؟ لا الطم حرام
شمس بصت ليه وركزت في ملامحه شكله برئ وقاسي في نفس الوقت في حزن وكبرياء في عنيه لحظه هو مش بيتكلم ليه لحظه فين غض البصر يا ست شمس هتروحي النار يا شمس
شمس :احم احم
لارد
شمس:انا ممكن اعرفي ايه اللي بيحصل ؟
لارد
شمس:ممكن اعرف ادهم فين ؟ وايه اللي بيحصل؟
لارد
شمس جوه نفسها :لا اله الا الله رد بالله عليك
شمس:ممكن حضرتك ترد عليا
رعد :اسمك ايه ؟
شمس :الحمد لله طلع بيتكلم
شمس:اسمي شمس ..ممكب بقي حضرتك ترد عليا
رعد :انا هنا بس اللي اسال قولي بقي كنت ناويه تسرقيني ليه ؟
شمس ببكاء :والله العظيم ما كنت بسرق حضرتك فاهم غلط المفروض دي فيلتي او بالاصح كانت فيلتي بس والله ما كنت بسرق الله يشهد عليا
رعد :فيلتك ازاي بقي ؟
شمس:هقولك وحكت له كل شئ وهي بتعيط ومنهاره
شمس:صدقني والله دي الحقيقه مش بكدب
رعد :عندك دليل ؟ ايه اللي يثبت ؟ اصل الاقيكي بتنطي للفيلا ملهاش حل غير انك بتسرقي
شمس انهارت اكتر:والله ما بسرق هسرق ليه واخش النار علي ايه ايوه دلوقتي شكلي مبهدل وممكن يخليك تتخيل اني بسرق بس انا مش بسرق ومعييش دليل وانا قولت ليك الحقيقه كامله وشوف حضرتك عايز تعمل ايه انت حر بس ممكن سؤال ازاي بقت فيلتك حتي لو ادهم باعها ميلحقش ؟
رعد : انا قولت انا اللي بسال بس هجاوبك هو كان متفق معايا من شهر والنهارده سلمها
شمس في سرها :عشان كده كان مستعجل علي الجواز في النهايه شكلي هخش السجن يلا احسن ما اترمي في الشارع
رعد :بصي انا قولت لبركات”الراجل اللي كان مع شمس”
يشوف اسمك واسم اللي اشتريت منه لو كلامك صح المفروض اسمكن يبقي زي بعضه عشان انتم ولاد عم صح ؟
شمس :مظبوط
فعلا لقي الاسمين مظبوطين
شمس :تمام اقدر امشي؟
رعد :للشارع ؟ انت ملكيش مكان صح؟
شمس حست بذل:انا معايا ربنا واللي معاه ربنا ميخافش ولا يزعل
رعد بصلها بتركيز :امممم هعرض عليكي صفقه
شمس بصتله :صفقه ايه ؟
رعد :هرجع ليكي املاكك كلها وحتي الفيلا دي
شمس :والمقابل؟
رعد بصلها بمكر وقسوه:نتجوز
شمس انصدمت لدرجه انها مردتش
شمس :لا طبعا انت اتجننت
رعد :طب وده
شمس :ايه ده ؟
رعد :شريط مسجل ليكي وانتي بتنطي في دقيقه يروح للشرطه ودقيقه وييجو يا خدوكي
شمس :اييه؟ وكده يبقي اسمها صفقه ؟
رعد :عموما انا مش بطلب انا بامر
شمس دموعها نزلت :عملتلك ايه ؟عملتلكم ايه؟ ليه كده؟
رعد ببرود:امسحي دموعك وتعالي عشان انا هجيب الماذون
شمس :وانت هتستفيد ايه لما تتجوزني ؟
رعد :عايز واحده تخدمني
شمس :ممكن تجيب خدامه
رعد :مبحبش الخدم
رعد بصلها:غير كده انا رجل اعمال كبير وبروح حفلات ومناسبات وفي اعلام وكده ولازم اتجوز عشان اخلص من اسالتهم
الفصل الثاني.
شمس:ما تاخد واحده تانيه بنت صاحبك اي بنت ؟
رعد بقسوه:عشان انت وحيده ملكيش حد وانا هتجوزك كام شهر لحد ما تخلص من كلام الاعلام وكده بعدين هطلقك فطبعا ملكيش حد فمحدش هيعملي مشاكل
شمس قلبها اتكسر واتفتت لحتت رغم ان كلامه ممكن يكون عادي لناس كتير الا انه جرح كرامتها وضغط علي جروح كتير هو مش واخد باله منها
شمس بكسره :انا فعلا مليش حد
رعد بصلها وقالها :الماذون جه يلا انزلي
شمس باستغراب :وانت مش هتنزل
رعد بغضب:ملكيش دعوه متدخليش في اللي ملكيش فيه
شمس خافت من صوته وطلعت بره وسندت علي الباب وقعدت تعيط بكسره :يارب خدني وريحني
نزلت للماذون لقته تحت ازاي نزل بسرعه كده
“بارك الله لكما وبارك عليكما وجمع بينكما في خير
الفصل الثالث.
خلاص كده اتجوزت خلاص بقيت انا وذلك الشخص اسم واحد اكيد في حكمه من كده ربنا مبيعملش حاجه الا لو كان في حكمه حتي لو الموضوع بدايه باين انه وحش
بس غريبه علطول قاعد وساكت مشفتوش واقف خالص
بركات:خلاص يا استاذه شمس انت بقيتي مسؤوله عن البيه في كل حاجه انا كا مهمتي اني افضل معاه لغايت ما يتجوز
شمس في سرها :ماله بيتكلم كانه بيتكلم عن طفل صغير
بركات:خلي بالك منه ومتعصبيهوش وحبيه وحني عليه
شمس:هو ممكن سؤال؟ احم احم يعني هو ليه عمري ما شوفته بيمشي؟
بركات بصدمه :هو انت متعرفيش ان الباشا مشلول ؟؟
صدمه كماان فوق صدمات كتير
شمس بصدمه وحزن :ايييه؟
بركات :الباشا من صغره عنده مشاكل صحيه كتير لانه مولود بدري فخلي بالك منه لانه ممكن يضيع في اي لحظه سلام بقي
مش بركات وانا وجهت نظري لرعد كان باصص في الارض وساكت مش عارفه ليه زعلت لما افتكرت اني ظنيت بيه سوء كنت معتقده انه شرير وكده ممكن كان بيعمل كده عشان خايف اشفق عليه يمكن بيعمل كده من زعله او ليه مش يمكن من شره ربنا عاقبه لحظه عاقبه ايه هو كده من صغره قد ايه برئ ووحيد ايه ده في ايه انا ببررله ليه؟ المفروض اكرهه بس هو في حد يكره حد بالشكل ده حساه طفلي ….
شمس:طيب هو المفروض نعمل ايه؟
رعد بصلها بغضب:ملكيش دعوه بيا انا مش مشلول بعرف اتصرف متدخليش
شمس بصت ليه وعرفت انه مش هيعرف يتحرك لانه قاعد علي كرسي عادي
شمس:يعني هو مش المفروض انا مراتك واساعدك ؟
رعد:مراتي؟ ههه؟ انتي صدقتي نفسك انتي واحده متجوزها عشان مصلحتي ملكيش لازمه اساسا وبعدين متعمليش نفسك الحنينه ما انتي وافقتي عشان مصلحتك برده
للمره المليون بيحاول يكسر قلبها هو مش عارف انه بيضغط علي جرح عندها
شمس بحزن :انا موافقتش عشان الاملاك عشان انت هددتني
رعد بصلها هي معاها حق
شمس:خلاص سيبني اساعدك يا سيدي المره دي
وراحت شمس عشان تساعده وتقومه زقها وقعت علي الارض
شمس:اه اااه يا ااه ضهري
رعد بغضب وصريخ :ملكيش دعوه بيا ملكيش دعوه انت فاهمه انا بكرهك وبكرهكو كلكم كلكم بتوع مصلحتكم قومي امشي متورنيش وشك
الصراحه زعلت جامد ودموعي نزلت بس غضبي كان اكتر
شمس:اولع انا مالي بيك
ورغم كده كنت زعلانه اني صرخت في وشه طلعت ودخلت اوضه شدتني ضلمه وهاديه ودخلت عشان انام بس لحظه هو هيفضل كده تحت مهو مش هيعرف يقوم هينام في الصاله علي الكرسي وانا مالي اساسا لا مالك ايه حرام عليكي الجو برد
نزلت تاني ولقيت متعصب وبيحاول يقوم ووشه بقي احمر وبيحاول يرفع نفسه عن الكرسي شعور العجز ده مؤلم جدااا
كنت واقفه بعيد لقيته بيصرخ:اتحركييي احررركي يا مشلوله ليه عاجزه ليه ؟ امشي بقي
كان بيكلم رجليه وهو بيعيط بيعيط جامد اوووي صعب عليا اوووي لدرجه اني عيطت معاه كنت حاسه بالم في قلبي وهو بيتكلم وهو بيعيط انا شكلي حبيته لا فعلا انا حبيته
روحتله جري واناا بعيط استغربني اووي
رعد بصوت مبحوح:بتعيطي ليه ؟
شمس ببكاء :عشان عشان ااه انت بتعيط انا مش بحب اشوفك تعيط ومسحتله دموعه متعيطش عشان خاطري وقعدت تعيط
رعد كان باصص ليها وساكت يمكن مش مصدق ان انا من يومين بس وبعيط معاه
رعد:جيتي ليه مش قايلك متجيش ؟
شمس:جيت عشانك
رعد:اعتقد قولت قبل كده مش عايزه مساعده
شمس قعدت تضحك:هو انا مقولتلكش انا ذاكرتي ذاكره سمكه وبنسي بسرعه قوم بقي عايزه اوريك حاجه
رعد :مش عايز شفقه امشي يلا
شمس:امممم شفقه مين قال شفقه طب انت عارف يعني ايه شفقه يعني رحمه يعني اكون رحيمه بيك مش اضربك وكده ههه
رعد :هتلاقي الكرسي هناك هاتيه وتعالي
شمس بابتسامه :حاضر
جابت الكرسي وقعدته وساعدته ولاحظت انه بيتالم جامد
شمس:هو انت في دوا المفروض تاخده ؟
رعد بتوتر:اه لا
شمس :اه ولا لا
رعد:اه
شمس:طب متقول ده انت راجل صعب
شمس خدت رعد اوضته ونيمته علي السرير وقعدت تبصله
شمس:هو الدوا فين؟
رعد:في الدرج عندك
جابت شمس الدوا وشربتهوله وغطته وفضلت قاعده مستنياه ينام
رعد ببرود:في حاجه مستنيه حاجه ؟
شمس باستغراب:لا ليه؟
رعد :اصل شايفك متلقحه قاعده جمبي
شمس زعلت وجات تقوم من جمبه رعد حس بيها ونادالها
شمس:نعم في حاجه ؟
رعد :اممم احم يعني انا مقصدتش اللي في بالك انا قصدت ليه قاعده ليه مش نايمه جمبي؟
شمس باستغراب:جمبك ؟؟؟؟!!!!!
رعد ببراءه:مش المتجوزين بينامو جمب بعض؟
شمس اتكسفت :بس ..بس انا مش متعوده انام جمب راجل يعني فالموضوع محرج اووي
رعد :لا متخافيش تعالي يلا
شمس بابتسامه :ماشي
نامت جمبه وهو راح في النوم علي طول وهي قعدت تتامله
ليه عايش لوحده ؟فين اهله ؟ فضلت تتساؤل حوله لغايت ما نامت
صحي رعد الاول وبص لشمس تصدق اول مره ياخد باله انها من غير الطرحه شعرها جميل هو كيرلي شويه بس ناعم وجميل
ليه بتعاملني حلو ليه ؟ بتحبني؟ لا انت اتجننت يا رعد في واحده تحب عااجز مفيش واحده تقدر تحب واحد مشلول هي بتشفق عليك مش اكتر صعبان عليها انت ضعيف بالنسبه ليها بس بس شكلها بيقول انها بتحبني لا يارعد انسي انت اتولدت وحيد وهتكمل وحيد انسي يا رعد مفيش واحده هتحبك انت مش من حقك تحب وتتحب هي واحده سليمه وبريئه ونقيه وجميله والف واحد يتمناها وانت عاجز عاااجز افهم بقي انك عاجز انت مش زي البشر انت عاااجز
بص رعد لشمس بغصب عصبيه:قووومي يلا
شمس بخضه:بسم الله الرحمن الرحيم في ايه؟
رعد :قومي امشي مش عايز اشوفك
شمس بصدمه :انت عندك انفصام في الشخصيه؟
رعد باستغراب:لا ليه ؟
شمس :امممم مهو واضح انا نازله اعمل فطار
رعد بقسوه :غوري ومتورنيش وشك عشان بقرف
شمس بحزن :ماشي انت حر
شمس فطرت وحطت فطار في صينيه وطلعت لرعد تديهوله
رعد بسخريه:اول مره اشوف انسان بلا كرامه تماما
شمس اتعصبت جدا :لا انا عندي كرامه وكتير اووي بس انا انسان واكيد مش هسيبك تموت من الجوع اتفضل كل
ومشت وسابته انا من امتي وانا بسامح كده وبعدي انا حاسه انه لو جاب مسدس فضاه في دماغي هسامحه يعني ادهم لما كان بيزعلني كنت بزعل ومكنش بيعرف يراضيني بسرعه معقوله مكنتش بحب ادهم واحبه ازاي ده استغفر الله العظيم بس علي مين يا رعد باشا هتحبني كده وانا وانت وهنشوف
رعد قعد بياكل وهو بيفكر ازاي يقوم يروح الحمام ويتوضي عشان يصلي
رعد:لولا انها الصلاه مكنتش عملت كده يا شمس يا شمس
شمس :نعم في حاجه ؟
رعد بكسوف:ممكن تساعديني
شمس بابتسامه :يا سلام من عنيا
ساعدته وسمعته وهو بيصلي صوته جميل اووي ياه رغم شلله بيصلي انا عمري ما شوفت ادهم بيصلي ..
رعد :شمس في حفله بليل هتيجي معايا
شمس بفرحه :بجااد ؟ هيي هلبس ايه بقي ؟ وانت هتلبس ايه؟
رعد بابتسامه :انا هلبس بدله وانت فستان
يا اخي بتضحك ليه انا واقعه من غير ما تضحك تقوم تضحك لييه؟
جه بليل لبست فستان بنفسجي وعليه خمار في ورد صغير لونه بنفسجي وبمبي وكوتشي ابيض وكنت الله اكبر عليا قمررر
نزل لقيت رعد بيحاول يقفل القميص روحت ساعدته وقفلتله القميص وانا مكسوفه لانه فضل باصصلي وبيسبل واه
روحنا الحفله وكنت حساه مكسوف او كده روحت ماسكه الكرسي بتاعه ودخلنا الحفله وكانت جميله جدا في اكل كتير كتير اوووي انا عايشه اساسا عشان الاكل سبته وروحت للبوفيه جري وهاتك يا اكل وكاني مكلتش من قروون …
فجاه لقيت رعد جايلي وبيبص باستغراب اللي هو مين دي؟
ابتسمتله وضحكت:تعالي كل
رعد :لا خلاص نفسي اتسدت
مثلت اني زعلانه :ماشي براحتك
بصلي وضحك جامد ضحكته حلوه ليه ميضحكش علي الطول الكئيب ابن الكئيبه ده
رعد :خلاص هاكل يلا
لقيته بيمسك شوكه وسكينه اه ما احنا في حفله راقيه وناس هاي كلاس بقي وكده بس ايه القرف ده
شمس:سيب يا بابا بتعمل ايه ربنا خلق لينا ايد ناكل بيها
لقيته بيبص للناس ففهمت انه مكسوف
شمس :براحتك
وقعدت اكل بطبيعتي وهو بياكل بشوكه وسكينه وكل شويه يبصلي لقيته فجاه رمي السكينه والشوكه وضحكلي وراح واكل بايديه زيي مسكنا الفرخه قسمناها واكلناها بايدينا وكنت باكله وكنا ميتين من الضحك هو يبصلي ويضحك علي شكلي وانا ابصله واضحك علي شكله وهو كان مبسوط اوووي بعدين ببص لقيت طبق محشي لقيت تلقائيا بقوله :الحق محشي
رعدبضحك :هههههههه لا مش قادر ههه منظرك بيقول كانك مكلتيش قبل كده ههخهههخخخ
شمس:هههههههه طب بسرعه قبل ما يخلص
روحنا وخلصنا علي طبق المحشي ولمحنا من بعيد طبق حلويات انما ايه امواااه سكره
كنا بناكل والناس بتبصلنا باستغراب وقرف بس مكانش في بالنا وكنا بنضحك واتشاكلنا علي حته جاتوه مين اللي ياخدها وشربنا العصاير كلها وكانو هيطردونا واعتقد دي اخر مره حد يعزمنل علي حفله بس وانا بشرب عصير المانجا المتلج (معلش يا جماعه بكتب ليكم وانا صايمه ههه)
لمحت النوتي الوحش الي اسمه ادهم ومعاه بت ملزقه مش محترمه وصفرا
استغفر الله العظيم كنت باص بكره وحزن رعد بصلي وبعدين بص انا ببص علي ايه لقاني ببص لادهم
رعد بحزن :هو ده
شمس بغصب:اه المشمحترم اللي هموته
رعد بفرحه :هو انت معتيش بتحبيه ؟؟؟
شمس بسخريه :من امتا وانا بحبه ؟
رعد بابتسامه :معاكي حق بس زوقه وحش اووي في الستات
شمس بصتله بشر:تقصد ايه؟
رعد :ههههههه اقصد الصفرا اللي معاه وغمزلها
شمس بضحك :بحسب ما تيجي نغيظهم
رعد بحسره :واغيظهم بايه ؟؟
شمس:بايه؟ يا راجل قول كلام غير كده يعني راجل فتوه وقمر ووسيم وعنيك سوده وساحره وسرحت في عنيه
رغم ان كلامها ممكن يكون عابر الا انه مس قلبه وفرحه وحسسه برجولته ابتسم رعد ولاول مره يحس بثقه
رعد :يلا
شمس :يلا ايه ؟
رعد :نغيظهم
شمس بشر:هههههههه يلا
راحو ومشيو من جمبهم وعملو نفسهم مش واخدين بالهم ادهم شاف شمس
ادهم :شمس
شمس عملت نفسها بتدور علي اللي بينده ورعد قعد يضحك عليها
شمس عملت نفسها مصدومه :ايه ده ادهم؟ بتعمل ايه هنا في مكان زي ده ده غالي اووي عليك وانت لسه مبتدا
ادهم بص للبنت اللي معاه بتوتر
رعد:عادي يا شمس الراجل من دول بيلف علي واحده غنيه عشان يدخل الاماكن دي وياكل المحشي بتاعها وغمزلها
شمس:هههه ممكن برده
ادهم حب يغيظها :عادي زي ماانت لفيتي علي واحد غني حتي لو كان مشلول ههههه عاجز يا شمس ملقتيش الا العاجز ده
رعد اتعصب جدا وزعل وكان هيمشي بس سمع شمس وهي بتقول
شمس:هههههههه لا يا حبيبي انا ورعد بنحب بعض من زمان واتفقنا مع بعض انه يبيع ليك الحاجه وكل ده كان خطه مننا اصل الصراحه مكنتش عارفه اخلص منك ملقتش غير الطريق دي وكمان يا حبيبي العاجز ده بعشره زيك وانا بحبه وبموت فيه و هو بيموت فيا سلام يا عسل
رعد كان مبسوط جدا انها عملت وراحتله وهي مبتسمه لان الكلام فعلا كان من قلبها رعد بصلها بحب وقال:شكرا
شمس بتوهان:هلي ايه دي الحقيقه
رعد :اييه؟
شمس:ها ولا حاجه ما تيجي نتمشي الجو هادي وبليل
راحو اتمشو علي النيل الخته كانت فاضيه
شمس قالت :اقف لحظه
رعد :ليه ؟؟؟؟؟؟
راحت قعدت علي رجله ورعد اتصدم جدا بس فرح وسمع صوت ضربات قلبه
شمس:تقيله عليك ؟
رعد :ها
شمس برقه:ههه تقيله عليك ؟
رعد :لا خالص انا اساسا مش حاسس بيكي
شمس:لا يا شيخ
رعد :لا فعلا انا مش حاسس بيكي لان انا مش بحس برجلي اساسا
شمس حبت تغير الموضوع طب اجري بينا يلا
فعلا جرو بالكرسي والهوا بيطير بيهم وبيضحكم وقعدو علي النيل يدردشو (رغايين اوووي)
شمس :رعد ما تحكيلي عن نفسك
رعد :اممم انا يا ستي مولود في السادس بسبب كده عندي مشاكل صحيه يعني في التنفس والقلب زي ماانت شايفه عاجز طبعا انا مولد في عيله هاي كلاس اووي وبيهتمو بالمظاهر سجلوني باسم بركات وسابوني معاه لوحدي رموني يعني فضلت محبوس في الفيلا دراستي اكلي شربي كانو بيبعتو فلوس بسس مش اكتر هه ازاي ناس راقيه ابنهم يبقي عاجز عشت لوحدي بركات بس اللي كان معايا بركات كان بيتعامل معايا علي اني طفل بس مسكتش واشتغلت وبقيت من اغني الناس دلوقتي بس عمره ما هيعوض سنين التعب بتاعتي عايش علي ادويه وهاا عمري ما حد حبني او اهتم بيا وسال عليا كنت بصرخ من الالم ومكنش حد معايا حتي ماما اللي كانتوالمفروض تقف جمبي كانت بتكسف مني اوووي كنت بنكسر اما اشوفها بتبصلي بكسوف عمري ما فضفضت مع حد مش عارف بقولك ليه بس عارف انك مش هتجرحيني بص لشمس لقاها بتبصله وتعيط
رعد :انت بتعيطي ليه دلوقتي ؟؟؟
شمس :عشان انت زعلان وانت لما بتزعل انا بزعل وحضنته بس خلاص معتدش تزعل انا معاك ومش هسيبك خالص
رعد كان مستغرب ليه بتعمل كده ده امي نفسها موقفتش جمبي شفقه؟ ولا حب؟ ولا معقول بتعمل كده عشان الاملاك مش ممكن بس شمس مش بتاعه كده او الله اعلم فقرر رعد انه يختبر شمس فسالها:شمس كنت عايز اقولك حاجه
شمس برقه:قول
رعد :هو انا مش هقدر اديكي املاكك احم لان يعني ااااا يعني في مشاكلةمعايا اليومين دول وو ممكن معرفش امم ادهوملك ففف يعني كنت …
شمس:شششششش مش فارق معايا اي حاجه المهم انت تبقي مبسوط الاملاك عمرها ما كانت حاجه بالنسبه ليا وقالت في سرها :لانك كل حاجه
رعد اتبسط جامد اوووي لدرجه انه حضن شمس جامد
روحو وقعدو يتكلمو قبل ما ينامو وسخسخو ضحك ملا بعده ضحك ونامو
صحت شمس تاني يوم علي صوت رعد وهو بيصرخ جامد صحت وشافته واتصدمت من اللي شافته
الفصل الرابع.
صحيت علي صوت صريخ رعد ببص عليه اتصدمت من اللي شوفته لقيت رعد بيرجع دم من بؤه ومش قادر يتنفس وبيترعش وعمال يصرخ بطريقه غير طبيعيه انا جاتلي حاله هلع من منظره وقعدت اعيط واصرخ مش عارفه اعمل ايه ؟ بيصرخ وبيعيط بمنظر يقطع القلب انا روحتله جري وانا بعيط وبترعش من الخوف لقيته بيبصلي برعب وبكاء:جسمي مش قادر ااااااه الحقيني بسرعه بموووووت اااه
شمس بهلع :اعمل ايه ؟ اعمل ايه؟ ردددد عليااا
رعد كان بيتوجع ومش قادر يتكلم دموعه بتنزل وصوت انينه شغال في ودنها
شمس راحتله قعدت تطبطب عليه تعمل ايه مش عارفه شمس فضلت تلف الاوضه رايحه جايه وهي بتعيط لقت نفسها تلقائيا بتصرخ لما لقت رعد بيجعر من الوجع ونفسه بيتقطع
شمس بصريخ :حد يلحقنييي راااااعد راااعد اصبر …بالله اصبرااااه انا هجيب حد بسرعه
طلعت شمس بره الفيلا وهي بتصرخ باسم رعد وتعيط خبطت علي حد من الجيران طلعلها راجل ومراته شمس بعياط وصريخ :الحقوني بالله عليييكم رعد رعد رعد رعد بيمووووت بسرررعه والنبي
الراجل راح معاها بسرعه هو ومراته دخلو اوضه رعد كان بيتنفض علي السرير بالم ووجع وكان بيرجع جامد وعنييه حمره وايديه علي قلبه وبيصرخ راحت شمس ليه:متخاافش انا معاك وهتبقي كويس انا معاك رعد متخافش
رعد :الالم هيموتني حاسس ان في سكاكين في جسمي مش قادر شمس متسبينيش انا بتوجع
شمس :متخافش انا معاك دايما
ومسكت وشه بايديها وقعدت تحسس عليه وتبوسه من خده عشان يهدي
كان الراجل وقتها بيتصل علي الاسعاف
رعد حضن شمس وهو بيعيط :شمس انا اسف اني كنت بعاملك اااااااه وحش في البدايه مكنتش عايزك تحسي بشفقه ناحيتي لو مت ابقي زوري قبري علي طول
شمس بصريخ :اخرررس انت ساامع انت هتعيش وهتمشي كمان انت مش هتموووت انت سامع اوووعي تقول كده تاني
رعد بفقدان وعي:انا مبسوط اووي انك معايا متسبنيش وراسه وقعت علي رجل شمس
شمس:لااااا بالله لا راااعد رعد حبيبي اصحي بقي يلا انت هتبقي كويس راااعد
وبصت للراجل:المتخلفين دول هييجو امت راعد رااعد بيموت الحقني بسرررعه وقعدت تعيط وتشهق جاامد
الراجل:انا اتصلت بيهم زمانهم جايين
شمس بجنون:وانا هستناهم لحد ما يموت راااعد اصحي بص مش عايزه املاك ومش عايزه حاجه طبب بص يلا نروح ناكل محشي طب طب راااعد متموتش والنبي يارب هو الحاجه الوحيده اللي فاضله ليا متختبرنيش فيه يارب ااع
شمس بجنون وعياط:انا مش هستني لحد ما تموت وحاولت تشيل رعد بكل قوتها بس كان تقيل جدا عليها
قعدت علي الارض بحسره وهي بتبص لرعد وعنيها مليانه دموع
شمس:بعد ما حبيتك …وبعد وا اعتبرتك كل حاجه تاخد كل حاجه حلوه وتمشي صدقني مش مسمحاك لانك هتبقي السبب في كل الامي بعد كده قوم بقي ده انا بحبك والله بحبك ……
بعد فتره الاسعاف جه وكانت منهاره جدا لدرجه انها مكانتش قادره تمشي خالص ومبتعملش حاجه غير انها تعيط وتقول اسم رعد
الدكاتره فضلو يعملوله صواعق كهربيه ويدوله حقن وادويه وشمس كل ده كان بينزل علي قلبها زي السوط
حطو رعد في اوضه جسمه كان متوصل بسلوك واجهزه شمس دخلتله وقعدت تبصله وتتامله وبتدعي انه يقوم بالسلامه
الدكتور :استاذه شمس ؟
شمس:نعم
الدكتور:هو يبقي جوزك صح ؟
شمس بصوت مبحوح:اه ؟ هو جوزي ماله
الدكتور :اعتقد ان الحاله جتله هو عنده مشاكل في القلب والتنفس وكمان شلل فكل الحاجات دي جتله مره واحده ده غير ان هو بيتعب كل يوم عن اللي قبله وصحته في النازل وللاسف بعد اللي حصل هيبقي مشلول كلي ما عدا راسه ودراعه الشمال ده حتي دراعه الشمال هتبقي ضعيفه وممكن يموت في اي لحظه ….
شمس بتسمع كل ده ودموعها علي خدها بتبص لرعد لقته صاحي وبيبص ليها
شمس بفرحه :رعد انت صحيت
رعد : شمس خدي بعضك وامشي
شمس بصدمه :ايه ؟
رعد :روحي وورقه طلاقك هتجيلك وزي ما وعدتك الفيلا والاملاك بتاعتك
شمس بصدمه وجنون:رعد متجننيش انا كنت هتجنن مره الصبح كفايه كده ورقه طلاق ايه؟ وزفت ايه ؟ انت عايز تموتني ؟ لليييه ؟ حرااام عليك ؟
شمس جالها انهيار عصبي وقعدت علي الارض وقعدت تصرخ محستش بنفسها غير ورعد بيصرخ باسمها ووقعت فقدت الوعي
رعد بصراخ:شمسسس شمس فوقي انا اسف
الدكاتره جم وخدوها وقالو لرعد انه انهيار عصبي
شمس لما صحت سالت الممرضه :رعد فين ؟
الممرضه:الف سلامه علي حضرتك رعد في اوصته
شمس مستنتش وقامت جري ليه تشوفه
رعد اول ما شافها فرح وقال:شمس انت صحيتتي؟
شمس بدموع:اه صحيت ..كان يهمك
رعد :دي اكتر حاجه تهمني
شمس:اومال ليه؟
رعد:عشانك …
شمس:عشاني ازاي انت كده بتموتني
رعد :بعد الشر عليكي …عشان مش عايزك تعيش مع عاجز تتعايري بيه فيوم من الايام
شمس:ششششش مليش دعوه بحد انا مش هسيبك مهما كان وقربت منه
رعد بص في عيونها وسال:ليه؟
شمس مسكت وشه بحنيه وقالت:ليه ؟ هقولك وقربت من ودنه وهمست (عشان بحبك يا رعدي
)
رعد قلبه دق جامد ومكنش مصدق اللي قالته :قولتي ايه؟
شمس بضحكه :عشان بحبك يا رعدي
رعد ابتسم تلقائيا :ورعدك بيحبك
شمس بصتله بحب ورعد بحب ممزوج بحزن:هييجي يوم وتندمي ؟
شمس :تؤ تؤ اللي بيحب بحق عمره ما يندم
رعد :هتفضلي معايا؟
شمس :للابد المؤبد
رعد :انا مبسوط اووي
شمس:مش اكتر مني
رعد:بس انا بقيت عاجز كليا…
شمس بتوهان:وانا بحب عجزك ده !!
رعد باستغراب :ازاي؟
شمس :معني انك عاجز انك هتفضل معايا علطول وانا اللي هاكلك والبسك هبقي انا كل حاجه في حياتك وانت كل حاجه في حياتي وهفضل معاك لحد ما تمشي وتشيلني فوق ابح
رعد بحب وضحك:هتبقي احلي فوق ابح ههه
شمس:هههههه بحبك
رعد:انت كنت محوشاهم وجايه تقوليهم كلهم مره واحده ولا ايه؟
شمس بكسوف:تصدق ان انا غلطانه
رعد :بحبك وانت مكسوف يا عسل انت يا اعساال
شمس:راجل اعمال بيقول اعسااال
رعد :من عاشر القوم اصبح منهم
شمس بخبث:تقصد مين ي رعد ؟
رعد:ها ولا حاجه
بعد يومين روحو الفيلا تاني وكان رعد فعلا مشلول كليا
شمس كانت واقفه بتطبخ لرعد وهي مبسوطه ان هي ورعد اعترفو لبعض بانهم بيحبو بعض
طلعت الاكل وحطته علي طربيزه السرير وكانت بتاكل رعد رعد كان بيبوصلها بحب وحنان وكان سعيد وتمني لو ان شمس ظهرت في حياته من زمان
شمس بدات تهتم بصحه رعد نفسيا وجسديا بس كانت قلقانه من كلام الدكتور انه ممكن يضيع في اي لحظه
بليل وهي نايمه مع رعد قالها:انا عمري ماحبيت قدك انت جميله اووي جميله من جوا جمالك الداخلي ظهر علي جمالك الخارجي
شمس بكسوف :وانا كمان بحبك
رعد بخبث:ماانت بتتكسف اهو يا ست جولييت
شمس غطت نفسها بالبطانيه :بس بقي يا رعد
رعد :اممم فكريني كده كنتي بتقولي ايه؟ اه افتكرت (عشان بحبك يا رعدي )هههخههه
شمس بكسوف :انا غلطانه
رعد :بس دي كانت اجمل لحظه في حياتي
شمس تعالي علي رجلي عايز العب في شعرك
طبعا ايديه الشمال شغاله
قعد يلعب في شعرها بحنان ويحسس علي وشها وقعد يرسم ملامحها بايديه علي وشها
وبعدين نامو وكالعاده شمس نامت وف قلبها خوف من موت رعد
صحت تاني يوم عشان تصحي رعد بس لقته مش بيصحي حطت ايديها علي وشه لقته متلج ومفيش نفس قلبها وقع في رجليها وفضل يدق جامد
شمس :رعد اصحي يلا عشان تفطر ها اصحيي بالله انت بتلعب معاي طب كفايا هزار رااعد
قعدت تهزه جامد وهي بتصرخ وتعيط رااعد رااعد اصحي احنا لسه مخفناش لسه ملعبناش لسه مخلفناش ليل وايوب واواب مش كان نفسك في اطفال كتير انت لييه مستنتش لحد منجبهم ؟؟؟؟
رااااعد اهئ اهئ ااه
“البقاء لله “
دي الجمله اللي الدكتور قالها لما جه وشاف رعد انا كنتت اتجننت وبصرخ وبعيط وقعدت مسكت الناس في العزا واصرخ فيهم
شمس:يعني خلاص مفيش رعد تاني خلاص لا لا راااااعد يا راااعد
مش قادره اخش البيت او اوضته يلهوووي انا بهلوس انا شيفاع قدامي قاعد وبيبتسملي ابتسامته الجميله انا شيفاه بيضحكلي
قعدت علي الارض وكنت خلاص شبه باصاب بالجنون راااااعد رااااعد
قومت علي رعد وهو بيصحيني قومت كنت بنهج ومش قادره اتنفس وبعيط فرحت اووي لما لقيت رعد قدامي كان مجرد كابوس وحش كنت زي الميت اللي اتردت له الروح بصيت لرعد وانا بعيط جامد وبشهق وحضنته جااامد اوووي وفضلت نص ساعه حضناه وبعيط مش قادره مش متخيله ان كان ممكن يبقي حقيقه
رعد :كنت بتعيطي وانت نايمه فصحيتك كنت بتحلمي؟
شمس:اسوء كابوس
رعد :ليه؟
شمس:لانه خدك مني
رعد بصلها بحنان :انا معاكي متخافيش
وحضنته للمره التانيه
شمس:اوعي تسبني اموت من غيرك احنا روح اتحطت في جسدين اتنين
رعد:بعشقك يا شمسي
شمس:انا اكتر يا رعدي.
الفصل الاخير.
ممكن السعاده تبقي ممزوجه بحزن دي بتمثل علاقتي برعد انا اسعد واحده بوجود رعد لكن خوفي من فكره موته مخلياني عايشه في حزن
كنت قاعده مع رعد بناكل فلقيته فجاه بصلي وقال:شمس ممكن اسالك سؤال؟
شمس بضحكه :انت بتهزر اه طبعا
رعد ببراءه وحزن :هو انا ربنا مش بيحبني ؟ يعني ربنا مش بيحبني مثلا ؟؟؟
شمس باستغراب: ايه السؤال ده؟ وليه بتساله؟
رعد بحزن:لاني عاجز ….اقصد يعني ربنا مش بيحبني عشان كده خلقني عاجز مثلا
شمس :لا طبعا ربنا مش بيكره حد غير ان انت ربنا بيحبك لان ربنا اذا احب عبد ابتلاه
رعد بتعجب:ازاي؟ يعني؟
شمس:احنا لما بنؤذي في الحياه بناخد قصادها ثواب عظيم جدا انت متتخيلوش فربنا لما بيحب حد بيبقي عايزه يا خد الثواب ده وغير كده ان انت لازم تصبر انت عارف الصابرين اجرهم غظيم جدا
رعد بحزن:ماما قالت عكس كده
شمس :مش فاهمه
رعد :هقولك في مره كنت ماشي بالكرسي رايح لماما
Flash back
رعد كان رايح لمامته يوريها شهادته بتاعه الابتدائيه انه طلع الاول علي المدرسه علشان يفرحها سمع مامته وهي بتكلم باباه
مامه رعد:بص بقي كده انا مش هينفع الواد يظهر قدام صحابي يقولو ايه ؟ ها ؟ انا مش عايزه يتقالي ابنك مشلول
ابو رعد:ااعمل ايه يعني ارميه مثلا ؟
مامه رعد :معرفش اتصرف مش فاهمه عقاب من ربنا ده ولا ايه ؟ ملت ايه عشان ربنا يبتليني بيه ؟ ده عذاب يا اخي
ابو رعد:فعلا والله صحابي كلهم ولادهم حاجه تشرف كده انما احنا حاجه تعر
مامه رعد:بص من الاخر كده انا هنسي ان عندي ابن مش هستحمل يمشي جمبي بالكرسي بتاعه ده
ابو رعد:اعملي اللي تعمليه
ومخدوش بالهم من اللي قلبه انكسر واتفتفت حتت رعد كان قاعد علي الكرسي دموعه علي خده من الوجع اللي سمعه الشهاده وقعت من ايده وحس بالم شديد في قلبه وكسره وحسره وقهره طفل في سنه يسمع كلام زي ده ومن ابويه حاجه في قمه البؤس الالم زاد جدا عليه وحط ايده علي قلبه وقعد يصرخ من الوجع
Back
رعد بدموع وبكاء
وقتها اغمي عليا وخدوني للمستشفي ففهمو ان انا عندي القلب هما فكرهم انه جالي من ولادتي المبكره بس ميعرفوش انه من كسرتي يوميها بكاء رعد زاد وشمس كمان كانت بتعيط معاه زعلانه عليه مش مصدقه ان في ناس بالجبروت ده ومع مين مع ابنهم
رعد:كنت بعمل اي حاجه عشان ارضيها حتي مذاكرتي كنت بحاول ابان قدامها اي حاجه بس هي علطول شيفاني ولا حاجه كان نفسي يبقي عندي ام تلعب معايا تقف جمبي تتطبخ لي كان نفسي اعيش طفولتي هو يعني انا مثلا مبسوط كده منا كان نفسي ابقي زي بقيت الاطفال اجري والعب كان نفسي يبقا ليا صحاب بس ده مش بارادتي
شمس خدت رعد في حضنها :لو الدنيا دي كلها مشالتكش اشيلك انا في عنيا وكملت بعياط وخلاص يا سيدي اعتبرني انا امك واختك وبنتك ومراتك ولا تزعل نفسك
رعد بابتسامه:بس انت عارفه من يوم مادخلتي حياتي وانا معتش بزعل
صحيت في يوم علي صوت رنه تليفوني كان الدكتور بتاع رعد
وقالي خبر اقل ما يقال انه جميل ان في عمليه رعد يقدر يعملها وممكن يخف ويمشي بس بتاخد وقت طويل ومجهود بس ميفرقش المهم انه يمشي طبعا رعد طار من الفرحه وقررنا ان احنا نعمل العمليه بس لازم يككون في شروط للعمليه واهمها النفسيه
طبعا الدكتور قالي اهم حاجه نفسيه رعد قبل العمليه وانه مش لازم يزعل لان ده هياثر في العمليه والعمليه لو فشلت للاسف رعد هيموت ………
شمس :رعد يا رعد راااعد
رعد:نعم يا شمس
شمس:انا شوفت ناموسه شايله جاموس وعدت بيها من تحت الباب ابقي انا كداب ؟ ها انا كدابه؟
رعد بضحك:واحلي كدابه هههههه
كنت بحاول اضحكه دايما وكنت بجاهد ان هو ميزعلش خالص لدرجه اني جبت كتاب نكت وحفظته وراحه جايه اضربله نكت لحد ما هيطفش قريب
شمس:رااعد
رعد:كفايه نكت تعبت والله كلها نكت مش بضحك
مثلت اني زعلانه:بقي كده نكتي وحشه؟ مخصماك ها
رعد بضحك:خلاص صالح بقي يرضيكي ازعل
شمس بلهفه:لا ميرضنيش
وكنت بفرحه دايما كنت دايما بجبله هدايا واحسسه اني فكراه كنت بتبسط بفرحته اووي
شمس :خدي الهديه دي وكل سنه وانت طيب
رعد :بمناسبه …..؟
شمس:بمناسبه عيد ميلادك
رعد بسخريه:هو عيد ميلادي بيجي كل اسبوع ولا ايه؟
شمس:امممم خلاص بمناسبه رمضان
رعد :رمضان لسه مجاش
شمس:ان النهارده الاربع
رعد بضحك :انهارده الاتنين
شمس:اه اه ا م ام ام يبقي بمناسبه اني مراتك مثلا
رعد:علي اساس مكنتيش مراتي قبل كده؟
شمس :متاخدها وانت ساكت..
رعد :حاضر يا شمسي
رغم اني كنت بضحك قصاده بس وراه ابتسامتي في قلبي كان بيتقطع وكنت بعيط كل يوم في الحمام وبليل لما بينام بروح اصلي وادعي ربنا انه يحفظه ليا
كنا قاعدين بنتفرج علي التلفزيون وكان قاعد بيضحك اوووي ومسخسخ قعدت ابصله ومبسوطه اوووي بضحكته بس لما تخيلت انه ممكن يضيع مني دموعي نزلت قومت جري قبل ما رعد يلاحظ سندت علي الحوض وقعدت اعيط جامد الموضوع كاتم علي نفسي روحت اقشر بصل عشان لما رعد يسالني روحتله وانا بقشر اللبصل وكنت عامله نفسي بضحك وانا اساسا بتقطع
رعد :ايه ده انت بتعيطي ؟؟؟؟
شمس بضحك:لا ياعم ده البصل مموتني دموع ربنا يسامحه
رعد بضحك :اللي يشوفك يقول انك ميته عياط
شمس دموعها نزلت اكتر
رعد قلق اكتر :شمس متاكده انك مش بتعيطي
شمس:تؤ تؤ يا عم انا ست واعرف اذا كان بصل ولا لا
رعد :طيب
خلاص بعد بكره اللعمليه وهي هتتعمل ره فهنسافر ليها
كنا قاعدين في حديقه الفيلا كنت قاعده علي المرجيحه ورعد قاعد علي كررسيه قصادي وكنا بنضحك
رعد :انا مبسوط اوووي اوووي
شمس بفرحه لفرحته:ههههه وانا كمان
رعد :انتي عارفه ؟ انا بحب الاطفال اوووي وبموت فيهم وعشان كده قررت اخلف ١٠ بنات و١٠ ولاد …لا لا خليهم ١٥ بنت و١٠ ولاد
شمس:وماله يا خويا وانا غساله قدامك صح؟
رعد:مش فاهم ايه المشكله؟
شمس:ايييه المشكله؟ انت شايفني طابعه بتتطبع ورق ….انا انسانه ……بعدين بعيد عن انسانه احنا لو هنخلف كل يوم عيل مش هنلحق رعد اسكت يارعد
رعد:خلاص ايه رايك ٥ و٥ة
شمس :انا عندي راي احلي
رعد :ايه هو؟؟؟؟؟
شمس:انك تخرس خالص
رعد:شكرا يا محترمه
شمس:العفو يا مؤدب
جه يوم السفر ركبنا الطياره وروحنا بلد العمليه ….
دخل رعد وهو بيودعني
رعد:احب اقولك انك احلي حاجه حصلت في حياتي
شمس:وانت كمان انا عمري ما حبيت قدك
رعد:خلي بالك من نفسك عشاني
شمس مقدرتش امسك دموعي خالص
شمس :رعد انت لازم تخرجلي ها انت سامع مش هستحمل من غيرك
رعد :متخافيش …بحبك
وخدوه مني
وهو بيمشي روحت مصرخاا:رااااعد وبدموه لو لو مرجتش ليا ااااااا انا مش هسامحك وهموتك يارااعد انت سامع
رعد من بعيد:متخااافيش يا شمسي
شمس بخفوت:بخبك
كنت قاعده برا دموعي علي خدي وقلبي بيرقص من الخوف وكنت مع كل دقيقه قلبي بنزف معاهم صدقوني لو كان ينفع اتبرع كنت اتبرعت برجليا ليه …هما اتاخرووو ليه
سمعت صوت الممرضات والدكاتره ودوشه قلب وقع
روحت علي باب العمليات :خلاااص سيبووه مش لااازم يخف سيبوه انا عيزاه عاجزه سيبوه وانهارت علي الارض مفوقتش غير لما الدكتور خرج وقال
للاسف يا استاذه شمس ………….
الدكتور:للاسف المريض فقد دم كتير جدا في العمليه ومحتاجين متبرع حضرتك نفس فصيله دمه؟؟؟
شمس بانهيار :مش عاارفه مش عارفه ….لحظه ايوه انا نفس فصيله دمه ايوه
الدكتور:تمام روحي للممرضه خليها تسحب منك دم بس بسرعه عشان مفيش وقت……
فعلا سحبت دم كتير بس كانو محتاجين اكتر
الممرضه:لسه بدري ومفيش متبرعين نعمل ايه ؟
شمس بسرعه:خدي مني بسرعه
الممرضه:لا طبعا حضرتك ممكن تموتي لا سمح الله
شمس بغضب:ملكيش دعوه انت سامعه خدي مني يلا مش هسيبه يموت
الممرضه :بس….
شمس بعصبيه:شوفي لو طلبو عنيا مش دمي اديهوله انت ساامعه اعملي وملكيش دعوه
وبالفعل سحبت دم كتير وانا كنت بدعي من كل قلبي ان رعد يخف لان انا ادمنته معدش ينفع اعيش من غيره هو ابني وابويا واهم حاجه جوزي وحبيبي بس فجاه بدات احس بدوار والدنيا بقت يودا فوشي واغمي عليا …بس كله يهون عشان رعد
مش عارفه عدي وقت قد ايه بس كل اللي اعرفه ان الصبح طلع ……فتحت عنيا كان جسمي متوصله محاليل وحاجات غريبه لا انا بخاف لحظه رعد رعد
شمس :رعد رعد فين يا نااااس انتو فين؟؟؟
شديت السلك من جسمي وطلعت اجري رعد رعد جراله ايه؟؟
لقيت الممرضه بتجري عليا :ازاي تخرجي يا استاذه ؟ انتي مجنونه كان ممكن تموتي ؟
الدكتور:حضرتك ناويه تجيبلنا مصيبه ..اتفضلي ارجعي
شمس بدموع:مش همسي قبل ما اعرف رعد في……..مكملتش كلامي وهووب راح اغمي عليا تاني(مش وقته الصراحه)
صحيت لقيت الدكتور فوشي
شمس:راعد رعد فين ؟؟؟
الدكتور بتوتر:الصراحه مش عارف اقولك ايه ؟ امم يعني احمم انا اسف
شمس بصدمه وجنون :اسف اسف ايه ؟؟؟؟
وبدات عياط
الدكتور بسرعه:والله اسف كنت بهزر مش اكتر
شمس:انت اتجننت دي حاجه تهزر فيها انا كنت هموت بسببك ..
الدكتور بضحك :اسف والله بس انتو الاتنين جننتوني انتي تقولي رعد رعد وهو طول العمليه شمس شمسيي شاامس زهقت بس احب اطمنك هو كويس في بس شويه كورسات ومساجات ياخدها عشان يعرف يمشي هو الحمد لله جسمه اللي فوق معدش مشلول وجسمه اللي تحت مع التمارين والتدليكات هيبقي تمام غير حاجات كمان هقولك عليها بس بقي بسرعه لاحسن جوزك هيولع فينا وفي الممرضات
سامعين قلبي بيرقص من الفرحه انا فرحانه بطريقه غريبه قلبي بيدق يدق يدق من سعادتي رعد حبيبي هيخف رعد الحمد لله ربنا نجاه هااا
شوفتو دموعي نزلت تلقائيا بعيط كتير اه بس المرادي من الفرحه فرحتي خلت دموعي تنزل رعد كان مربوط باسلاك كتير ونايم في السرير بس صاحي اول ما شافني ابتسم بسعاده
رعد :نكديه بس قمر …قمر ؟قمرين تلت اقمار اربع اقمار يا زينبوووووو
شمس بضحك ودموع فرحه:انا نكديه يا رعد ؟
رعد :سيبتي قمر وركزتي في نكديههههههههههههههههه الصراحه انت فرحانه تعيطي زعلانه تعيطي قوليلي وقت مش بتعيطي فيه عنيكي مش بتنزل دموع فيه
شمس بضحك وتمثيل:هههههه الشهاده لله ههههه ودي حاجه هتحاسب عليها ههههه الانسه الانسه شمس هههه مبتعيطش وهي نايمه هههه
شمس ورعد:هههههههههخ
الدكتور :احم احم احم
شمس بكسوف :هو واقف من امتا؟
رعد :مش عارف الراجل ده يعني واحد ومراته قاعدين المفروض يمشي ايه البجاحه دي ؟؟
شمس:اسكتتتت يا بعلي
رعد:ماشي يا مثقف عارف منين ان بعل يعني زوج وغمزلها
شمس:لا يحبيبشي انا مثقفاااا جدا انت اللي مش واخد بالك
رعد :ماشي يا عم المثقف يا جااامد يانت يا جامد
الدكتور:انا اسف اني هقطع لحظاتكم الممتعه بس انا بقالي ساعه واقف لحد ما رجلي ورمت …..
رعد وشمس:ايوه واقف ليه يعني؟!!!!
الدكتور :يا استاذ احنا في مستشفي وحضرتك خارج من عمليه والاخت كانت بتموت جوه
رعد:نعااااام مين اللي كانت بتموت ؟؟
شمس :لا عادي سحبو مني دم مش اكتر …
رعد مسك وشي بخوف ولهفه :يعني انتي كويسه يا قلبي ؟
شمس:قلبك؟؟؟
رعد:الا قلبي وروحي وكبدتي وعيوني كمان
وراح حضني
رعد:انا عمري ما هعرف ارد جميلك انا بحبك اووي يا شمسي
الدكتور :لا اله الا الله لا اله الا الله اللهم طولك ياروح يا استاذ انا عايز اشوف شغلي الاه حبو في بعض بعدين
رعد بصله بقرف وسكت
الدكتور قال ان في جوانب للعمليه هنعرفها بعدين
بعدها باسبوع خرج رعد وروحنا البيت كنت مبسوطه اوووي الدكتور مكنش سايبنا فحالنا غيران عشان شايف جوز حمام قدامه وهو يعيني اعزب بهزر معاكم ده عنده واد اكبر من عمري ………
جوانب العمليه ظهرت علي رعد كنت مطبقه جمبه ٧ ايام لانه سخن جدا لدرجه اني شكيت انه عايش في بركان وبترعش وبردان وحاسس بالم كنت كل ساعه اديله مهدئ او مسكن وطول اللي جمبه بحطله في كمادات وادلك رجليه لانها شاده عليه وبيتالم جامد وبهلوس كتير
فضلت جمبه وهو نايم اغير في كمادات وروحت اكب اامايه وجبت مايه تانيه وحطتله كمادات مكنش قادر يتنفس من الحر فتحتله التكييف رغم ان احنا في الشتا بس الكهربا قطعت وهو خلاص معدش قادر ياخد نفسه وبيعيط من الوجع روحت جبت كرتونه وقعدت اهويله ساعتين والكهربا جات اديتله مهدئ ونام تاملته وهو نائم
شمس:خلاص كلها حبه وتخف وتمشي ومعدتش تتوجع خلاص حبه والموضوع يهون يا قلب شمسك
روحت اصلي وادعيله وقراتله قران فضلت ساعات بقرا ودموعي نازله وبشكر ربنا علي انه استجاب دعوتي ونجا رعد
وقفت عند ايه (انما يوفي الصابرون اجرهم بغير حساب)
اكيد ربنا هيعوضنا انا متاكده
ببص لقيت رعد صاحي وبيبصلي وبيضحك :صوتك جميل اووي يا شمسي
شمس بلهفه :صوتك احلي كتير..انت كويس؟
رعد بضحك:لما سمعتك بقيت كويس
فجاه رعد حط ايده علي بطنه وراح مرجع كتير اووي رجع كتير لدرجه اني خوفت روحت الحقه وكنت بطبطب عليه يمكن يخف من الترجيع وقف ترجيع وانا ببصله بخوف
رعد بصوت منخفض:كويس انا كويس
روحت عشان امسح الترجيع انا قلقانه جدا
رعد :ليه ؟؟؟
شمس:ليه ايه؟
رعد :ليه مش مقروفه مني؟ اي حد مكانك كان اتقرف مني ومن عجزي من ترجيعي الكتير من كل حاجه
شمس:اولا عشان انا مش اي حد الي جانب اني بحبك وميفرقش معايا حتي لو رجعت للسنه الجايه هفضل احبك
رعد:كل واحد ليه رزقه في الحياه وانت رزقي ❤
كنت بعمله جلسات وبدلكله رجله وده اصعب حاجه لاني بضطر ارفع رجله وانزلها واحرك رجله يمين وشمال واتنيها واحطله كريم واحاول اخليه يقف بس كان بيصرخ جامد لما كنت اخليه يقف
كنت فمره بدلك لرعد رجله وبمرنهاله وكان بيعيط لان ده بيوجعه اووووي
رعد ببكاء:كفاايه مش قادر
روحت اهديه :خلاص حب صغيرين
رعد كان وشه احمر من الوجع:بس انا مش قادر تعبت تعبت اووي
قولتله:(انما يوفي الصابرون اجرهم بغير حساب)
الايه دي كانت دايما بتهديه وتخليه يصبر كنت بقولهاله لما كان يقولي تعبت
رعد رجليه بدات تتحسن وبدا يحركها لوحده كنت مبسوطاله اووي
كنا في الحديقه بحاول ادربه علي انه يقف
كنت اسنده ويقف وبعدين نقع الصراحه كنا كل ما نقع نسخسخ ضحك وفمره
شمس بضحك:مستعد؟؟
رعد بضحك:ان احنا نقع؟ ههخخ
جيت اسنده واقومه وقف بصتله بصدمه كان واقف بس دقتين وروحنا واقعين ضحكنا جامد حتي لو حبه صغيرين بس ده تحسن
رعدبسعاده:يلا مره كمان
شمس:يلا
وقفنا تاني كان مبسوط اووي وبيبصلي وبيضحك
فضلنا ساعتين نقف ونقع من فرحتنا
كنا بناكل واحنا فرحانين الموضوع ده ادي ثقه لرعد
وفمره تانيه
جيت اسنده وقف مشي خطوتين تلاته وراح واقع
المره اللي بعدها بقو اربعه واللي بعدها خمسه فضلنا كده لحد ما بقي يمشي خطوات اه مشيته براحه وشبه غريبه بس حلوه
تطور جميل فرحنا
كنا قاعدين علي البحر في مره وبناكل دره وبنتفرج علي البحر
رعد:شمس
شمس:نعم
رعد:انا عايز اجرب امشي لوحدي
شمس:يلا
فعلا سندته اول خطوتين وكمل بقيته مشي لوحد مشي حوالي عشره متر كنت ماشيه قدامه عشان الحقه لو وقع بس هو كمل مشيته مش متزنه بس بالنسبه لينا كانه بيطير
روحنا وكنت فرحانه اووي بس مش اكتر منه لقيته بيبصلي وبيقولي انه عايزه يديني حاجه لقيته طلع علبه فيها سلسله جميله جدا خطفت قلبي
رعد:دي اقل حاجه اقدمها ليكي الي جانب ان احنا اتجوزنا من غير حاجه
شمس:جميله اووي يا رعدي بس انت مش محتاج تديني حاجه غير قلبك
فمره دخلت الاوضه لقيت رعد مبتسم اووي
شمس:مالك ؟؟؟؟
رعد:هوريكي حاجه
لقيته قام وقف لوحده وجالي لحد عندي من غير ما يقع
انا كنت واقفه مصدومه ومبسوطه وعيطت وروحت حضنته وهو حضني جامد وقعدنا نعيط مع بعض من الفرحه
واحنا بنقول(انما يوفي الصابرون اجرهم بغير حساب❤️)
رعد مع الوقت اتحسن تماما وبقي بيمشي وبيجري كمان
شمس:رعد
رعد :نعم حبيبي
شمس:ايه رايك اما نعمل صدقات ونوزعها للناس الغلابه بما اننا خفينا احنا لازم نشكر ربنا
رعد:انت عارفه انك جميله اوووي صح؟ ؟
شمس بكسوف:احمم عرفت لما شوفتك
نزلنا وزعنا الحاجات علي الغلابه واحنا مبتسمين وفرحانين طبعا رعد راح الجيم عشان يقوي رجليه وجسمه لانه ممشاش خالص واحنا واقفين مع بعض بنتكلم وبنضحك لمحت بنتين بيبصو لرعد وبيتغزلو فيه وواحده غمزتله تلقائيا لقيت ده اللي بيطلع مني:خخخح هموتهم ورحمه امي لاموتهم
رعد بضحك :خلاص يا مجنونه ههههخخخ
شمس:انت مبسوط بقي ؟؟
مشيت وسبته صعب يا جماعه الواحده تشوف جوزها القمر بيتعاكس ومتعيطش وقعدت اعيط رعد جالي وهو بيضحك بس لقاني بعيط فاتصدم:مالك يا شمسي ؟ بتعيطي ليه؟ بسببهم ؟
شمس:عشا خلاص انت خفيت وبنات هتحبط وهتسبني
رعد:انتي مجنونه ؟ هههه ابص فين وانا معايا احلي واحده بعدين حد معاه الملبن ده القمر ده ويبص لدول عبيطه ابت
بصتله وضحكت بكسوف انا وزني زاد اليومين دول بس السبب لسه مش قولته ليه
شمس بدلع:رعد
رعد بضحك:قلبه ؟؟
شمس:احنا جعانين
رعد بضحك:ههههه بس انا مش جعان
شمس :انا مجبتش سيرتك
رعد باستغراب:اومال احنا مين؟
شمس:انا واوبا
رعد :اوبا ؟ اوبا مين؟
شمس برقه ودلع:اواب حبيب مامته
رعد:انت الشمس كلت مخك ؟ بتهلوسي بتقولي ايه؟
شمس:بقولك جعانه انا وابنب اواااااب حبيبي
شمس شاورت علي بطنها رعد فهم قصدها وفرح جدا من فرحته سجد علي الارض وحضن شمس
رعد:انا انا مبسوط اوووي ربنا عوضني انا بحبك
شمس:انا كمان بحبك
رعد بصلي بحب وراح شايلني متخافوش الشارع كان فاضي
شمس بكسوف: بتعمل ايه؟
رعد :الاه مش انت قولتيلي خف عشان تشيلني لفوق ابح تديني بشيلك ابح
شمس:احلي ابح في حياتي
رعد:الاه هو انت حد ابحك قبل كده
شمس:ههههه لا انا عمر ما حد ابحني ههههخ
مرت التسع شهور ورعد بيخدمني ويساعدني وكان نعم الزوج وكان متحمل هرموناتي كلها حتي لما خلفت اواب حبيبي
كنت قاعده شايله اواب وببص لرعد:هو انا تخنت يارعد ؟
رعد:ها لا يروحي بعدين انتي بقيتي ملبن وقمر
روحت معيطه:لا انا تخنت وانت معدتش تحبني
رعد طبطب عليا وباسني من خدي:لا طبعا يا شمسي انا بحبك وهفضل احبك لاني قلبي اتخلق ليكي اساسا
شمس:انا عايزه اكل محشي ….بحبه اوووي
رعد:بالنسبه للي هيجيب المحشي
شمس:قلبي قلبي بموت فيه
رعد:وهو كمان بيحبك وبيموت فيكي
شمس بغباء :هو مين؟
رعد:المحشي يا روحي
شمس ضحكت وقعدت في حضن رعد وهي شايله اواااب وبتبص لرعد:انا مبسوطه اووي انك في حياتي
رعد:انت اساسا احلي حاجه حصلتلي
شمس :بحبك قد البحر واسماكه
رعد:بحبك قد الفضاء ونجماته
شمس ورعد :بحبك اووي
النهايه.
وفي نهايه روايتا اليوم عبر موقع جيزان نت قدمنا لكم روايه احببت عجزه شمس وادهم.
